"Ақмола облысы білім басқармасының Целиноград ауданы бойынша білім бөлімі Талапкер ауылының жалпы орта білім беретін мектебі" коммуналдық мемлекеттік мекемесі

Коммунальное государственное учреждение "Общеобразовательная школа села Талапкер отдела образования по Целиноградскому району управления образования Акмолинской области"

«Тағылымы мол бабалар мұрасы ұрпаққа аманат» тақырыбындағы онлайн-кездесу

15.12.2020

Тәуелсіздік күніне орай 15 желтоқсан күні – Талапкер ауылы №3 орта мектебінің тарих пәні мұғалімдерінің ұйымдастыруымен «Тағылымы мол бабалар мұрасы ұрпаққа аманат» тақырыбында т.ғ.к., доцент, Л.Н.Гумилев атындағы Евразия Ұлттық Университеті, «Тарих» факультеті, «Археология және этнология» кафедрасының меңгерушісі, елімізге белгілі археолог-ғалым Үмітқалиев Ұлан Үмітқалиұлымен онлайн кездесу болып өтті. Кездесуге «zoom» онлайн интернет платформасы арқылы 9-11 сынып оқушылары қатысты. Кездесу барысында Ұлан Үмітқалиұлы Ұлы даланың жеті қырын тереңнен таныстырып, археология ғылымындағы соңғы жаңалықтарымен бөлісті. Ұлы даладағы металлургияның дамуы, сақ патша қорғандарынан табылған «алтын киімді адамдар» ерекшелігі, «аң стилінің» философиялық мәні, археология саласының қиыншылықтары мен қызықтары туралы оқушыларға әңгіме өрбітті. Дәріс соңында оқушылар ғалымға өзінің көкейдегі сұрақтарын қойып, жауап алды. 10 «А» сынып оқушысы Өмірзақова Ақерке Тәуелсіздік күніне арнаған өлеңін оқыды. Кездесу аяғында тарих пәні мұғалімдері тарапынан кездесуге келісіп, дәріс оқыған археолог-ғалым Ұлан Үмітқалиұлына алғыс айтылып, алдағы уақытта тығыз шығырмашылық байланыс орнатуға уағдаласты.