13 қараша күні Талапкер а. №3 орта мектебінде барлық сыныптарда Онлайн - ата-аналар жиналысы өткізілді. 1-4 сынып аралығында "Отбасында бала денсаулығын сақтау мен салауатты өмір салты қағидалары", 5-8 сыныптар "Ата-ананың оқу-тәрбие үрдісіндегі міндеттері мен жауапкершіліктері" және 9-11 сыныптар ата-аналары арасында «Мамандық таңдаудағы балалардың қызығушылығын қалыптастыруда отбасының рөлі» тақырыбында ата-аналар жиналысы болып өтті. Ата-аналар жиналыстары бекітілген күн тәртібі бойынша өткізілді. Ата-аналарға 1-тоқсан қорытындысы, отбасындағы бала денсаулығы (1-4 сынып), ата-ананың оқу-тәрбие үрдісіндегі міндеттері мен жауапкершіліктері (5-8 сынып), мамандық таңдауға ықпал ететін негізгі факторлар туралы (9-11 сынып) және қашықтан оқытуды тиімді ұйымдастыру жолдары туралы нақты мәлімметтер берілді. ІІ тоқсандағы оқу процесінің ары қарай қашықтан жалғасатыны жайлы жан-жақты ақпараттар берілді. Сонымен бірге құқық бұзушылықтың алдын алу мақсатында және карантин ережелерін қатаң сақтау туралы түсіндіру жұмыстары жүргізілді.