«IQANAT» - БҰЛ АУЫЛ МЕКТЕПТЕРІНІҢ ОҚУШЫЛАРЫНА АРНАЛҒАН МАҢЫЗДЫ ЖОБА
«IQanat білім беру қоры» қоғамдық қоры олимпиаданы қамқоршылардың қаржыларына өткізеді. Олимпиаданың мақсаты: қабілетті оқушыларды анықтау және қолдау, ауыл оқушыларының шығармашылық, танымдық, зияткерлік бастамаларын жандандыру, оқушылардың жалпы білім беру пәндерін оқуға қызығушылығын қалыптастыру, оқушылар арасында тікелей байланыс пен тәжірибе алмасуға жағдай жасау.
Олимпиада ауыл мектептерінің 9-сынып оқушылары үшін жалпы білім беретін пәндер бойынша үш кезеңде өткізілді. Алайда, ақтық сынға 9 жылдық білімдерін сынақ кезінде дәлелдеп шыққандар өтеді. Олимпиадаға қатысушылар физика, математика және ағылшын тілінен сынақ тапсырады. Белгілі бір тақырыпта эссе жазады. Олимпиада жеңімпаздарына жоғары оқу орындарына түсуде үлкен жеңілдіктер қарастырылған. Білімді оқушылармен екі жыл көлемінде біліктілігі жоғары ұстаздар жұмыс істейді. Түлектерді ҰБТ және IELTS емтихандарына тегін даярлайды. Айқанат байқауында топ жарғандарға отандық және шетелдік жоғары оқу орындарында тегін оқу мүмкіндігі беріледі. IQanat олимпиадасы – еліміздің ауыл мектептерінің 9-сынып оқушылары үшін тегін олимпиада.
Аталмыш байқауға Талапкер ауылы №3 орта мектебінің оқушылары қатысты. Мектебімізде математика, физика, ағылшын тілі, эссе жазу бағыттарының бірін таңдаған оқушылардың ішінен ең көп балл жинаған жеңімпаздар анықталды.
2018-2019 оқу жылының нәтижесі бойынша:
2019-2020 оқу жылының нәтижесі бойынша:
Талапкер ауылы №3 орта мектебінен 2020-2021 оқу жылында IQanat олимпиадасына қатысуға 30 оқушы өтініш білдірді. Оқушыларға сәттілік тілейміз!