“ҮЗДІК СЫНЫП ЖЕТЕКШІ-2023” БАЙҚАУЫ ӨТТІ

Талапкер ауылының жалпы орта білім беретін мектебінде жылдық жоспарға сай «Үздік сынып жетекші - 2023» байқауы өтті.   2023 жылдың үздік сынып жетекшісін анықтау мақсатында ұйымдастырылған байқауға әр әдістемелік бірлестік атынан ұсынылған  8 мұғалім қатысып бақ сынады. Байқаудың негізгі мақсаты: Жаңа педагогикалық идеяларды оқу-тәрбие үрдісінде жүзеге асыратын, сыныппен белсене жұмыс жасайтын, шығармашылықпен жұмыс жасап жүрген ұстаздарды анықтау. Байқау тапсырмаларына сай қатысушылар «Өзін-өзі таныстыру», «Педагог портфолиосы», «Электрондық тасымалдағыштағы жазылған оқу сабақтары», «Эссе», «Бейнероллик», «Қатысушының өз өнері» атты берілген тапсырмалардан жарысқа түсті. Байқауға үміткерлер белсене қатысып жүлдегерлер анықталды. Қазылардың шешімі бойынша: 3-орын: Қалибекова Сымбат Қанатовна, Амангельдина Еңлік Қанатқызы, Шарлез Ақмарал, 2- орын Такенова Аяжан Сабырбековна, Каюпова Сымбат Берікбайқызы, Аймаутова Алия Амангельдиевна, Оспанова Мархабат Егинбаевна, 1-орын Какенова Шолпан Чаймуратовна ие болды.