«ЖАЗҒЫ МЕКТЕП - 2022»

2022 жылдың 26 мамыры мен 17 маусымы аралығында Талапкер ауылының жалпы орта білім беретін мектебінде 1-10 сыныптарында «Жазғы мектеп» ұйымдастырылды. 
Мақсаты: білім алушылардың өз білімдеріндегі кеткен олқылықтарын толықтыру, игерілмей қалған тақырыптарын үйренуіне мүмкіндік жасау және көңілді демалысты ұйымдастыру. 
Жаз айлары – мектеп оқушылары үшін ерекше ықыласпен күтілетін уақыт. Осыған орай біздің  мектепте балалардың жазғы демалысын ұйымдастыру мақсатында және мектеп жанынан «Жазғы мектеп» өз жұмысын бастады. Бұл жазғы мектептің негізгі міндеті – білім беру, тәрбиелі ортада жаңа дағдыларды игеру,  баланың дамуына тұрақты психологиялық әсер ету.
Мектебімізде жазғы мектепке ата-аналардың өтініштері бойынша          130 оқушы тіркелді. Жазғы мектептің әр күні қызықты өтуде. Бір жыл бойы  оқыту барысында оқушылардың түсінбей қалған негізгі тақырыптары бойынша  сабақтар өткізіліп жатыр.   Бұл тұста балалардың жүрегінен орын таба білген пән мұғалімдерінің еңбегі зор.