Талапкер ауылының жалпы орта білім беретін мектебінде жылдық жоспарға сай «Үздік педагог - 2022» байқауы өтті.

         “Ең басты мамандық – ол ұстаз.  «Адамның адамшылығы жақсы ұстаздан» деп ұлы Абай айтқандай, ең басты маман ол - ұстаз. Өйткені, ұстаз барлық маманды тәрбиелейді, бәріне білім береді. Педагог мәртебесі – ұстаздардың өз қолында.

Талапкер ауылының жалпы орта білім беретін мектебінде жылдық жоспарға сай «Үздік педагог - 2022» байқауы өтті.   2022 жылдың үздік мұғалімін анықтау мақсатында ұйымдастырылған байқауға әр әдістемелік бірлестік атынан ұсынылған 6 мұғалім қатысып бақ сынады.Байқаудың негізгі мақсаты: Жаңа педагогикалық идеяларды оқу-тәрбие үрдісінде жүзеге асыратын, шығармашылықпен жұмыс жасап жүрген ұстаздарды анықтау. Байқау тапсырмаларына сай қатысушылар «Өзін-өзі таныстыру», «Педагог портфолиосы», «Электрондық тасымалдағыштағы жазылған оқу сабақтары», «Эссе», «Бейнероллик», «Қатысушының өз өнері» атты берілген тапсырмалардан жарысқа түсті. Байқауға үміткерлер белсене қатысып жүлдегерлер анықталды.Қазылардың шешіміне сай, 3-орынды орыс тілі пәнінің мұғалімі   Досанова Г.С., Кажибаева А.А., Какенова Ш.Ч. 2- орынды   орыс тілі пәні мұғалімі  Муажанова Б.С., 1-орынды   матиматика пәнінің мұғалімі  Байжұма С. жеңіп алды. Бас жүлдені тарих пәнінің мұғалімі Рахимов Е.Т. иеленді. 

Салтанатты іс-шараны мектеп директоры қорытындылап,  қатысушыларды алғыс хатпен марапаттады. Байқаудың барлық кезеңінен сүрінбей өтіп мектепішілік  «Үздік педагог - 2022» атағын жеңіп алған   тарих пәнінің мұғалімі  Рахимов Ермек Төлегенұлы аудандық кезеңге жолдама алды. Мектепішілік «Үздік педагог - 2022» байқауының жеңімпазы келесі аудандық кезеңде де шеберлігі мен біліктілігі танылып, жүлделі орын алуына тілектеспіз.