Қазақ тілі мен әдебиеті пәні онкүндігінің өтілу аясында 8 «г» сынып оқушыларымен жоспар бойынша «Жастар туралы көзқарастар» тақырыбында қазақ тілі пәнінен ашық сабақ өткізілді. Мақсаты: Жылдам әрі функционалды түрде сыни ойлануды дамыту.
Тиімділігі: оқушының танымдық дағдысы артады.
Сонымен қатар оқушыға сабақтың өмірмен байланысын көрсетеді және сабақтың тақырыбы мен мақсатын анықтауға мүмкіндік береді.
Саралау: Бұл жерде саралаудың «Диалог және қолдау көрсету» тәсілі көрінеді. Дұрыс мағынада жауап беруге бағыттау мақсатында кейбір оқушыларға ашық сұрақтар, ал кейбір көмек қажет ететін оқушыларға жетелеуші сұрақтар қойылды. Сабақ барысында оқылым, тыңдалым, жазылым дағдылары бойынша тапсырмалар құрастырылып берілді.Осы тапсырмаларды орындау арқылы оқушының танымдық дағдысы артты. Сонымен қатар оқушылар сабақты өмірмен байланыстыра алды.