Мұқағали «Үш бақытым»
Талапкер ауылы №3 орта мектебінің 8 «Д» сынып оқушысы Құнанбаев Берік және 5 «б» сынып оқушысы Жанатқызы Камиля makataev.kz ақпараттық порталы ұйымдастырған Республикалық «Мұқағали оқулары» байқауына қатысып, жүлделі орындарды жеңіп алды. Жанатқызы Камиля І орынды иеленсе, Құнанбаев Берік жүлделі ІІ орынды қанжығасына байлады. Берік ақиық ақынның «Үш бақытым» өлеңін мәнеріне келтіре оқыса, Камиля «Шеше» өлеңімен топ жарды. Бұл оқушыларды дайындаған қазақ тілі мен әдебиеті пәні мұғалімі Байсеркеева Жансая Төлеуханқызы да өнерге құштар шәкірттерді дайындағаны үшін Құрмет грамотасымен марапатталды.
Берік пен Камиляға болашақта қанаттары талмай тек биіктерді бағындыра берулеріне тілектестік білдіреміз!