Халқымыз қыз бала тәрбиелеуді мекендердің, ата- анасының, елге белгілі кісілердің жақсы істерін үлгі ету, тәрбиеге " Ұят ", " намыс ", " ар ", ұғымдарын кең пайдалана отырып сендіру, үйрету, жаттықтыру, көтермелеу, мадақтау, мақылдау талап қою әдістері арқылы жүзеге асырып отырған.
Осыған орай сәуір айының 15-ші жұлдызында Талапкер ауылы ЖОББ мектебінің «Әжелер» клубының ұйымдастырылуымен "Бүгінгі бойжеткен - ертеңгі асыл жар" тақырып негізінде жоғары сынып қыздары арасында дөңгелек үстел өткізілді. Дөңгелек үстел барысында қыздар өз ойларын ортаға салып, пікірлерін білдірді. «Қыз тәрбиесі – ұлт тәрбиесі» атты баяндама оқылып, талқыланды. Сонымен қатар, бұл шараға арнайы шақырылған қонақтар, әжелер ,қатысып, өз ақыл-кеңестерін айтты. Қыз баланы тәрбиелеу тек қана оқу орындарында ғана емес, сондай-ақ, бұл ата-ананың міндеті. Келеңсіз жағдайлар орын алмас үшін, әрбір ата-ана қандай жағдай болмасын өзінің қызына көңіл бөлуі тиіс.