Абай және жастар
Талапкер ауылының жалпы орта білім беретін мектебінде бүгін тағы бір іс-шара. Ол қазақ тілі мен әдебиеті онкүндігі аясында және «Абай» клубының жоспарына сәйкес «Алтын көрсе періште жолдан тая ма?» тақырыбында өткен дебат. Дебатты ұйымдастырушылар: тарих пәні мұғалімі, «Жалын» дебат клубының жетекшісі Байманов Айбар Абайұлы және «Абай» клубының жетекшісі, қазақ тілі мен әдебиет пәні мұғалімі Байсеркеева Жансая Төлеуханқызы.
Дебаттың мақсаты: философ, дала данышпаны Абайдың жиырма тоғызыншы қарасөзінде сыналған мақал-мәтелдерінің мәнін оқушыларға тереңінен ұғындырып, кеңінен насихаттау, ойын еркін жеткізе білер шешен де шебер сөйлеуге бейімдеу.
Дебатқа 10-сынып оқушылары Ибрагимов Бауыржан, Буршакбаева Сабина, Каналбеков Қуаныш, Азербай Амина қатысып, тартысты пікірталас өткізді. Абайды қолдаушылар мен Абай сынға алған мақал-мәтелдерге араша түсушілердің дәлелдемелері мен мысалдары көңілге қонымды болып, төрешілер тарапынан жоғары бағаланды.