«ӨЗІН – ӨЗІ ТАНУ – МАХАББАТ ПЕН ШЫҒАРМАШЫЛЫҚ ПЕДАГОГИКАСЫ» тақырыбындағы онкүндіктің есебі.

№3 Талапкер орта  мектебінде өткізілген «ӨЗІН – ӨЗІ ТАНУ – МАХАББАТ ПЕН ШЫҒАРМАШЫЛЫҚ ПЕДАГОГИКАСЫ»
тақырыбындағы онкүндіктің есебі.
2021-2022 оқу  жылының 1 -12 ақпан аралығында 1-11 сынып оқушыларының қатысуымен  «Өзін-өзі тану» пәнінің «Махаббат пен шығармашылық педагогикасы» атты тақырыбында онкүндік өткізілді. 
Мақсаты: Өзін-өзі тану пәнінің авторы С.А.Назарбаеваның еңбегін таныту. Оқушыларды әдептілікке, сыпайылыққа, сыйластыққа, қамқорлыққа,татулыққа, сүйіспеншілікке, махаббатты, бағалай білуге, жақсылық жасауға тәрбиелеу.
Алғашқы күні ашылу салтанаты барлық оқушы, мұғалімдер арасында таныстырылды. «Өзін – өзі тану» рухани – адамгершілік білім беру  жобасының авторы Сара Алпысқызы Назарбаева туралы, өмірбаяны, еңбек жолы туралы слайд көрсетілді. Оқушылар өзін – өзі тану туралы өлеңдер жаттады, бес құндылық әні шырқалды. Өзін өзі тану мұғалімдері өздеріне жүктелген тапсырманы уақытылы  орындап мектеп сайтына жүктеп отырды. Әр оқушының жүрегіне жол табар ұстаздар құндылық-қасиеттерін шыңдатып оқушы бойына сүйіспеншілік пен мейірім ұялата біледі.