Талапкер ауылының жалпы орта білім беретін мектебінің 10 "Б" сынып оқушыларымен Ауғанстан жерінен Кеңес әскерлерінің шығарылуына 33 жыл толуына орай "Ұрпаққа үлгі болар ерлік" тақырыбында тәрбие сағаты болып өтті. Тәрбие сағатының мақсаты: Ауған соғысының тарихы жайлы ақпарат беріп, сол соғысқа қатысып, интернационалдық борышын абыроймен атқарған батыр ағаларымыздың ерлігін ұрпаққа үлгі ету. Сабақ барысында Уалихан Тамерлан Ауған соғысына қатысқан туыстары жайлы арнайы презентация дайындап, тың ақпараттармен бөлісті. Тамерланның туыстары Ауған соғысының Батыры, Қызыл Жұлдыз орденінің иегері Есеналин Еркінбек Рысбекұлы және Ауған соғысының ардагері, Ерлігі үшін Орденінің иегері Бакешов Серік Құрмашұлының ерлік істерімен танысты. Осындай ер жүрек батыр ұлдарымыздың ерлігі мәңгі есте сақталады.