"Абайтану" IV Республикалық олимпиадасының облыстық кезеңінің қорытындысы

Қаңтардың 27-сі күні Ақмола облысы білім басқармасының "Ақмола дарыны" дарынды балалар мен талантты жастарды анықтау және қолдау жөніндегі орталығы 9-11-сынып оқушылары арасында қазақ тілі мен әдебиетінен "Абайтану" IV Республикалық олимпиадасының облыстық кезеңін өткізді. Олимпиаданың бірінші кезеңінде қатысушылар А.Құнанбаев шығармашылығы бойынша эссе жазса, екінші турында "Абай жолы" роман- эпопеясы мазмұны бойынша түрлі тапсырмалар орындады. Целиноград ауданы атынан Талапкер ауылының жалпы орта білім беретін мектебінің 10 "А" сынып оқушысы Ибрагимов Бауыржан қатысып, 1-орынды жеңіп алды. Бауыржан алдағы уақытта республикалық олимпиадаға облыс атынан қатысады. Дайындаған қазақ тілі мен әдебиеті пәні мұғалімі Байсеркеева Жансая Төлеуханқызы. Бауыржанға республикалық сайыста сәттілік тілейміз!