Жалпыадамзаттық құндылықтар бақытты өмір кепілі

Целиноград ауданы Талапкер ауылы жалпы орта мектебінде 2021 жылдың 22 қараша күні бастауыш сынып, орта, жоғарғы буын оқушылары мен педагогтердің қатысуымен адамның рухани-адамгершілік әлеуетін арттыруға, құндылық бағдары мен қоғамға қызмет ету дағдыларын дамытуға арналған шаралар өтті.Мақсаты: Адамның рухани-адамгершілік әлеуетін арттыруға сонымен қатар құндылық бағдарын, қоғамға қызмет ету дағдыларын дамыту.
"Сүйіспеншілік - адамның басты қасиеті, ақиқат - оның негізі, дұрыс әрекет - оның шынайы өмірі" тақырыбындағы шаттық шеңбері мен сынып сағатында оқушылар жақсы қасиет адам бойындағы ең асыл құндылық екенін тілге тиек етті.Орта буын оқушыларымен "Жүрек жылуы, "Жүректен жүрекке" эссе жазу жалпыадамзаттық құндылықтар тақырыбында өз ой-пікірлерін ортаға салды.