«Үздік мұғалім - 2021» аудандық байқауының нәтижесі

Тәуелсіз елдің болашағы – тәрбиелі де білімді ұрпақ. Сол ұрпақты қазіргі заманға лайықты, бәсекеге қабілетті бола алатын дәрежеге жеткізу, мықты білім мен тағылымды тәрбиемен сусындату – ұстаз алдындағы маңызды міндет.

Қазіргі ұстаз өткенге  сын көзбен қарап, бүгінгіні саралайтын, болашақты бағдарлайтын бағдаршам іспеттес десек, артық айтпас едік. Кезінде ұлт мақтанышы Ахмет Байтұрсынұлы «Ұстаз - мектептің жүрегі» деп баға берген еді. Осындай мектеп жүрегіне айналған ұстаздар біздің Талапкер ауылының жалпы орта білім беретін мектебінде де көптеп саналады.
Оған мысал жақында өткен «Жыл мұғалімі - 2021» байқауының өткізілуі еді. 

Мектебімізде осы байқауға 10 мұғалім бақ сынаса, осы сында жүзден жүйрік атанған 15 жылдық еңбек өтілі бар ұстазымыз, бастауыш сынып мұғалімі Малгаздарова Толқын Бекетовна болды. Толқын Бекетовна – өзінің еңбек жолында талай шәкірттерге сапалы білім беріп, өнегелі ұлағатымен ұрпақ тәрбиелеп жүрген айтулы ұстаздардың бірі. 

Өзінің шығармашылық ізденісін, педагогикалық ұстанымының өзектілігін нақтылай білген ұстаз аудандық деңгейдегі «Үздік мұғалім - 2021» байқауына жолдама алып, нәтижесінде жүлделі ІІ орынды иеленді.

Құттықтаймыз! Толқын Бекетқызына ғылыми-әдістемелік, жоғары шығармашылық, еңбегіңізге табыс тілейміз. Алар асуларыңыз көп болсын!