"Үздік педагог" сайысы өткізілді

Талапкер ауылының жалпы орта білім беретін мектебінде жылдық жоспарға сай «Үздік педагог - 2021» байқауы өтті. 2021жылдың үздік мұғалімін анықтау мақсатында ұйымдастырылған байқауға әр әдістемелік бірлестік атынан ұсынылған 10 мұғалім қатысып бақ сынады.Байқаудың негізгі мақсаты: Жаңа педагогикалық идеяларды оқу-тәрбие үрдісінде жүзеге асыратын, шығармашылықпен жұмыс жасап жүрген ұстаздарды анықтау. Байқау тапсырмаларына сай қатысушылар«Өзін-өзі таныстыру», «Педагог портфолиосы», «Электрондық тасымалдағыштағы жазылған оқу сабақтары», «Эссе», «Бейнероллик», «Қатысушының өз өнері» атты берілген тапсырмалардан жарысқа түсті. Байқауға үміткерлер белсене қатысып жүлдегерлер анықталды.Қазылардың шешіміне сай, 3 орынды математика пәнінің мұғалімі Бибакирова Р.Ш.,2 орынды ағылшын тілі пәні мұғалімі Алив Ж., 1 орынды  бастауыш сынып мұғалімі Малгаздарова Т.Б. жеңіп алды. 

Салтанатты іс-шараны мектеп директоры қорытындылап, қатысушыларды алғыс хатпен марапаттады. Байқаудың барлық кезеңінен сүрінбей өтіп мектепішілік  «Үздік педагог-2021» атағын жеңіп алған  бастауыш сынып мұғалімі Малгаздарова Т.Б.аудандық кезеңге жолдама алды. Мектепішілік «Үздік педагог - 2021» байқауының жеңімпазы келесі аудандық кезеңде де шеберлігі мен біліктілігі танылып, жүлделі орын алуына тілектеспіз.